Hjaltalín með flestar tilnefningar

Hljómsveitin Hjaltalín fær flestar tilnefningar til Íslensku tónlistarverðlaunana en tilkynnt var um tilnefningarnar í dag. Hjaltalín fær fimm tilnefningar og Sprengjuhöllin kemur á hæla hennar með fjórar.

Í flokknum Lag ársins eru tilnefnd lögin Allt fyrir ástina eftir Pál Óskar Hjálmtýsson, Englar og dárar eftir Ólöfu Arnalds, Goodbye July/Margt að ugga með Hjaltalín, Verðbólgin augu með Ný dönsk og lagið Verum í sambandi með Sprengjuhöllinni.

Þá keppir söngvari Sprengjuhallarinnar, Bergur Ebbi Benediktsson við Megas um það hver er besti textahöfundur ársins og kollegi hans í hljómsveitinni, Snorri Helgason berst líka við Megas, í flokknum lagahöfundur ársins.