Bayern án Müller í báðum leikjunum gegn Liverpool

Bayern Munchen verður án Thomas Müller er liðið mætir Liverpool í 16-liða úrslitum Meistaradeildar Evrópu en Müller verður í banni.

Müller fékk beint rautt spjald fyrir glórulausa tæklingu á Nicolas Tagliafico, leikmann Ajax, í viðureign liðanna í 3-3 jafntefli í lokaleik riðilsins þann 12. desember.

Sá þýski fékk tveggja leikja bann en Bayern ákvað að áfrýja dómnum og vonaðist þannig til að Müller yrði klár í 16-liða úrslitin gegn Liverpool.

Í gærkvöldi tilkynntu Þjóðverjarnir svo að áfrýjuni hafi verið neitað og verður Müller því í banni er liðin mætast á Anfield 19. febrúar og svo á Allianz Arena 13. mars.

Appeal rejected: We will be without @esmuellert_ for the two @ChampionsLeague matches against @LFC.

https://t.co/vAK9ZMSS3F#FCBayern#MiaSanMia

— FC Bayern English (@FCBayernEN) February 4, 2019