Heimsmet hjá Rudisha í úrslitum 800 metra hlaupi

Keníamaðurinn David Rudisha setti nýtt heimsmet þegar hann tryggði sér gullverðlaun í 800 metra hlaupi á Ólympíuleikunum í London í kvöld. Rudisha hljóp metrana 800 á 1:40.91 mínútum og bætti sitt eigið heimsmet frá 2010. Þetta er fyrsta heimsmetið sem fellur í frjálsum á leikunum.

David Rudisha varð heimsmeistari í sömu grein í Daegu í Suður-Kóreu fyrir ári síðan en að virðist enginn eiga möguleika í þennan 23 ára gamla og 190 sentímetra háa Keníumann.

Nijel Amos, 18 ára gamll strákur frá Botswana, varð í 2. sæti á frábærum tíma en hann setti heimsmet unglinga með því að hlaupa 1:41.73 mínútum. Timothy Kitum frá Kenía fékk síðan bronsið en fimm fyrstu hlauparnir settu persónulegt met í þessu magnaða hlaupi.