Grét eftir samfarir

Jazmine Waltz, löguleg snót sem svaf hjá David Arquette skömmu eftir skilnað hans og Courteney Cox, segir leikarann hafa verið óspennandi í rúminu. Þetta kemur fram í viðtali við Waltz í bandaríska lífsstílstímaritinu Style.

David og Jazmine hittust á bar í Los Angeles þar sem Jazmine vann og þau áttu innilega stund á æskuheimili hans. „Þetta var ekkert lélegt, þetta var heldur ekkert gott, þetta var bara stutt og sársaukalítið, ákaflega óspennandi,“ segir Jazmine

Arquette hafði áður tjáð sig um þessi nánu kynni og viðurkenndi meðal annars að þau hefðu látið honum líða karlmannlega. „Ég hafði ekki átt svona nána stund með neinni síðan að við Courteney skildum,“ sagði David og bætti því við að hann hefði grátið eftir að þeim lauk. „Ég áttaði mig á að allt milli mín og Courteney væri búið.“