Óhefðbundin æska Suri Cruise

Suri Cruise er enginn venjulegur tveggja ára grislingur. Fyrir utan það að vera hundelt af ljósmyndurum eins og eldri stjörnur þá hafa hugmyndir Vísindakirkjunnar meira en lítil áhrif á stúlkuna.

Samvkæmt heimildum Star tímaritsins koma þau Tom Cruise og Katie Holmes fram við Suri litlu eins og hún sé fullorðin. Enda er hún marg milljarða ára gömul samkvæmt kenningum vísindakirkjunnar, og veit því allt sem hægt er að vita.

Afar lítill agi er á heimilinu, og fer stúlkan ekki í háttinn fyrr en að nálgast miðnætti eins og fullorðna fólkið. Það eru þó ákveðnar reglur. Til dæmis er sjónvarp bannað, og þegar hún verður stór verður netnotkun hennar takmörkuð - enda töluvert af rógburði um kirkjuna góðu á hinu soruga alneti.

Þegar þar að kemur gengur hún í skóla hjá Vísindakirkjunni, líkt og eldri börn Toms. Það veður heldur ekkert rusl í nestisboxinu. Hún borðar einungis lífrænan mat, og notar engin hefðbundin lyf, einungis jurtir.