Fleiri konur stjúpættleiddar

Mun fleiri konur eru stjúpættleiddar en karlar. Kynfeður umgangast frekar syni sína en dætur. Opinberar tölur um stjúptengsl eru að öðru leyti ekki til.

Samkvæmt tölum hagstofunnar um ættleiðingar á árunum nítjánhundruð níutíu og níu til tvöþúsund og fjögur voru ættleiðingar fjögurhunduruð og ellefu talsins.

Ættleiðingum er skipt í frumættleiðingu þar sem enginn skyldleiki barns er við annað hvort foreldrið og voru slíkar ættleiðingar tvöhundruð þrjátíu og sjö. Og síðan í stjúpættleiðingar, þar sem stjúptengsl eru til staðar innan fjölskyldunnar, og voru þær hundrað sjötíu og fjórar á þessu fimm ára tímbili, eða nær tæplega einn þriðji af ættleiðingum.

Íslensk lög um ættleiðingar frá 1999 gera ráð fyrir því að ekki sé unnt að ættleiða barn sem náð hefur tólf ára aldri nema með samþykki þess sjálfs. Sjaldgæft er að stjúpforeldrar ættleiði ung börn og flestar stjúpættleiðingar ná til fullorðins fólks og eingöngu karlar ættleiða. Athygli vekur að mun fleiri konur eru stjúpættleidar en karlar, þær voru rúmlega helmingi fleiri, eða 121 kona á móti 52 körlum. Er einhver skýring á þessum kynjamun?

Valgerður Halldórsdóttir félagsráðgjafi segir að yfirhöfuð séu fleiri stúlkur ættleiddar í heiminum. Fræðimenn hafi hins vegar velt því upp að stjúpættleiðingar og tíðni þeirra segir meira um samband stjúpfeðra og stjúpdætra.