Skammast sín ekki

Þýsku fyrirsætunni Heidi Klum finnst eðlilegt að ganga um nakin heima hjá sér og segir nekt ekki vera eitthvað sem hún skammist sín fyrir.

„Ég held það sé vegna þess að ég ólst upp á heimili þar sem andrúmsloftið var einstaklega afslappað. Það er ekki eins og foreldrar mínir hlaupi um allt húsið naktir, en ef maður gengi óvart inn í herbergi og þau væru að skipta um föt, þá myndu þau ekki flýta sér að ná í slopp til að hylja sig," segir fyrirsætan sem er gift söngvaranum Seal og eiga þau saman þrjú börn.