Ekki saman um jólin

Jude Law mun eyða jólunum með börnum sínum og fyrrverandi eiginkonu, hönnuðinum Sadie Frost. Kærasta Law, leikkonan Sienna Miller, verður þó fjarri góðu gamni.

Samkvæmt Frost mun Miller eyða jólunum með foreldrum sínum og systur á meðan Law mun eiga notalega stund með fyrrverandi eiginkonu sinni og börnum. „Á jóladag munum við borða saman hádegismat heima hjá Jude. Hann ætlar að elda fyrir okkur. Ég held að Sienna verði ekki á staðnum. Hún á sína eigin fjölskyldu,“ sagði Frost í viðtali við tímaritið The Telegraph.