Enski boltinn

Red­knapp gagn­rýnir Sol­skjær og segir árangurinn skelfi­legan

Anton Ingi Leifsson skrifar
Solskjær ræðir við Andreas Pereira.
Solskjær ræðir við Andreas Pereira. vísir/getty

Jamie Redknapp, sparkspekingur Sky Sports, segir að Ole Gunnar Solskjær, stjóri Manchester United, sé í vandræðum hjá rauðu djöflunum.

United gerði markalaust jafntefli gegn Wolves um helgina og Redknapp gagnrýndi Norðmanninn og Anthony Martial eftir markalausu jafnteflið.

„Ég horfði á Martial og hugsaði: veistu hvað er undir hérna? Þú verður að gera meira. Þetta er þitt tækifæri. Ég horfði svo á Ole og vorkenni honum. Hann lítur út eins og bugaður maður. Ég sé ekki neinn neista,“ sagði Redknapp.

 







„Ég horfði á þá og ég held að þeir þurfi að gera eitthvað meira. Nokkrir þessara leikmanna þurfa að fá spark í rassinn. Þetta lítur alltof auðveldlega út.“

„11 sigrar í 33 leikjum síðan hann tók við. Þetta er skelfileg tölfræði sem stjóri,“ bætti Redknapp við.

United er í 7. sæti deildarinnar með 35 stig og er liðið sex stigum frá Meistaradeildarsæti.

Enski boltinn

Mest lesið


Fleiri fréttir

Sjá meira


×

Mest lesið