Enski boltinn

Botnlið Sheffield Utd þremur mínútum frá fyrsta sigrinum í Brighton

Arnar Geir Halldórsson skrifar
Jöfnunarmarkið í uppsiglingu.
Jöfnunarmarkið í uppsiglingu. vísir/Getty

Það gengur hvorki né rekur hjá Sheffield United í ensku úrvalsdeildinni og er liðið enn í leit að sínum fyrsta sigri á tímabilinu.

Sheffield United var nálægt því að vinna sterkan útisigur á Brighton í fyrsta leik dagsins sem lauk nú rétt í þessu en allt kom fyrir ekki.

Botnliðið lék reyndar manni færri allan síðari hálfleikinn þar sem John Lundstram fékk að líta rauða spjaldið seint í fyrri hálfleik en þá var staðan markalaus.

Einum færri tókst Sheffield mönnum að ná forystunni þegar Jayden Bogle skoraði eftir rúmlega klukkutíma leik.

Gestunum hélst forystan allt þar til á 87.mínútu þegar Danny Welbeck jafnaði metin fyrir Brighton. 1-1 lokatölur og Sheffield enn án sigurs á botni deildarinnar.

Enski boltinn

Mest lesið


Fleiri fréttir

Sjá meira


×

Mest lesið