Áfram mikil rigning á Austfjörðum en dregur úr vætu síðdegis

Atli Ísleifsson skrifar 18. desember 2020 07:11

Frá Seyðisfirði þar sem mikið hefur rignt síðustu daga. Aurskriður hafa fallið úr sunnanverðum firðinum. Vísir/egill

Spáð er norðaustan 10 til 15 metrum á sekúndu í dag en 15 til 23 metrum norðvestantil. Rigning eða slydda með köflum norðan- og austanlands, talsverð eða mikil rigning á Austfjörðum og snjókoma til fjalla.

Frá þessu segir í hugleiðingum veðurfræðings. Þurrt að kalla sunnan- og vestalands. Lægir heldur austantil síðdegis og dregur úr vætu. Hiti 0 til 9 stig, hlýjast syðst.

„Norðlæg átt, 15-23 m/s og snjókoma eða slydda á N-verðu landinu á morgun, en hægara og léttskýjað aunnan heiða. Kólnandi veður.“

Veðurhorfur á landinu næstu daga

Á laugardag: Norðan og norðaustan 15-23 m/s, hvassast og snjókoma á Vestfjörðum, annars rigning eða slydda á N- og A-landi og hiti kringum frostmark. Hægari norðanátt og bjart með köflum syðra og hiti 1 til 7 stig.

Á sunnudag og mánudag (vetrarsólstöður): Allhvöss eða hvöss norðanátt með snjókomu eða éljagangi, en hægara og léttskýjað sunnan heiða. Kólnandi veður.

Á þriðjudag: Minnkandi norðlæg átt, stöku él og talsvert frost.

Á miðvikudag (Þorláksmessa): Fremur hæg vestlæg eða breytileg átt, él á víð og dreif og áfram kalt í veðri.

Á fimmtudag (aðfangadagur jóla): Útlit fyrir vaxandi sunnanátt með slyddu eða rigningu á V-verðu landinu seinni partinn og hlýnar heldur í veðri.

Veður Aurskriður á Seyðisfirði

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.