Fjármálaráðherra líst vel á skipti Rúnars

Anton Ingi Leifsson skrifar 22. september 2020 07:00

Bjarni Benediktsson er ánægður með skipti landsliðsmannsins Rúnars Rúnarssonar. Vísir/Vilhelm

Það voru margir Íslendingar sem fögnuðu því í gær að markvörðurinn Rúnar Alex Rúnarsson hafi skrifað undir samning hjá Arsenal.

Rúnar Alex skrifaði í gær undir fjögurra ára samning við enska stórliðið en hann kemur til félagsins frá Dijon í Frakklandi.

Skiptin höfðu legið í loftinu í nokkra daga en voru endanlega staðfest í gær og íslenskir Twitter aðdáendur tóku við sér.

Það voru margir knattspyrnuáhugamenn sem annað hvort óskuðu Rúnari góðs gengis hjá Arsenal eða lístu yfir ánægju með skiptin.

Þar á meðal var fjármálaráðherra Íslands, Bjarni Benediktsson, er hann deildi frétt Morgunblaðsins og skrifaði: „Frábært.“

Arsenal spilar við Leicester í enska deildarbikarnum annað kvöld en óvíst er hvort að Rúnar Alex verði með Lundúnarliðinu í þeim leik.

Hann hefur æft einn síðustu daga vegna reglna um sóttkví.

Frábært!https://t.co/rDIuoxsLyh
— Bjarni Benediktsson (@Bjarni_Ben) September 21, 2020

Enski boltinn

Tengdar fréttir

Staðfesta komu Rúnars Alex sem verður númer þrettán

Rúnar Alex Rúnarsson er genginn í raðir Arsenal. Þetta staðfesti félagið á heimasíðu sinni nú síðdegis en hann skrifar undir fjögurra ára samning við félagið.

21. september 2020 16:47

„Stór dagur fyrir mig og fjölskyldu mína“

Rúnar Alex Rúnarsson, sem skrifaði undir fjögurra ára samning við Arsenal í dag, segir að þetta sé stór dagur fyrir sig og fjölskyldu sína.

21. september 2020 17:02

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.