Íslenski boltinn

Kempuliðið FC Ísland spilar fyrsta leikinn sinn út í Eyjum

Óskar Ófeigur Jónsson skrifar
Tómas Ingi Tómasson er þjálfari FC Ísland og Björgólfur Hideaki Takefusa verður örugglega í stór hlutverki í sóknarleiknum.
Tómas Ingi Tómasson er þjálfari FC Ísland og Björgólfur Hideaki Takefusa verður örugglega í stór hlutverki í sóknarleiknum. Mynd/FC Ísland

Ný þáttaröð um íslenska knattspyrnu verður sýnd á Stöð 2 í sumar og hefur hún fengið nafnið Framlengingin.

Í þáttunum Framlengingin ferðast margir af þekktustu fyrrverandi knattspyrnumönnum Íslands um landið og skora á knattspyrnulið á landsbyggðinni í góðgerðarleik til styrktar málefnum í hverju sveitarfélagi. Búið er að mynda öflugt og sterkt kempulið sem heitir FC Ísland.

Fyrsta æfingin hjá kempunum var í gær mánudag og gekk æfingin vel og án nokkurra meiðsla. Það er mikill keppnisandi í liðinu og þó þeir séu komnir af léttasta skeiði í boltanum þá vantar ekki keppnisskapið í þessa kunnu kappa.

Bjarnólfur Lárusson er fyrirliði FC Ísland.Mynd/FC Ísland

Heyrst hefur að verið sé að smala í mjög sterk lið á öllum stöðum þar sem keppt verður, þannig að FC Ísland er með ýmsar stórgóðar og nýjar hugmyndir um það hvernig þeir ætla að ná fram sigri í leikjunum. Liðið gerir meira en bara að spila fótbolta en ýmsar skemmtilegar þrautir verða lagðar fyrir liðið með það að markmiði að safna áheitum.

FC Ísland mun spila fjóra leiki og fara þeir fram í Vestmannaeyjum, á Akranesi, á Akureyri og í Reykjavík. Það standa vonir til þess að á hverjum stað muni heimamenn plata sínar kempur út á völlinn og úr verði skemmtilegri leikir.

Nýtt merki félagsins.Mynd/FC Ísland

Fyrsti leikur liðsins er klukkan 19.00 á Hásteinsvelli á fimmtudagskvöldið eða beint á eftir setningu Orkumótsins.

Gunnar Heiðar Þorvaldsson verður fyrirliði liðs Eyjamanna sem fær það verkefni að mæta FC Íslandi. FC Ísland mun í samstarfi við Ufsaskalla vinna að góðgerðarsöfnun fyrir stuðningsfélag krabbameinssjúklinga í Vestmannaeyjum. Ufsaskalli ætlar að gefa 500 þúsund krónur í tengslum við þáttinn.

Frá æfingu FC Ísland í gær.Mynd/FC Ísland

Lið FC Ísland sem keppir í fyrsta leiknum í Eyjum er skipað eftirtöldum leikmönnum:

  • Baldvin Jón Hallgrímsson
  • Birkir Kristinsson
  • Bjarnólfur Lárusson
  • Björgólfur Takefusa
  • Eyjólfur Örn Eyjólfsson
  • Eysteinn Lárusson
  • Hjörtur Hjartarson
  • Ingólfur Sigurðsson
  • Ingólfur Þórarinsson/veðurguð
  • Jón Hafsteinn Jóhannsson
  • Sævar Þór Gíslason
  • Tryggvi Guðmundson
  • Valur Fannar Gíslason
  • Fyrirliði FC Ísland: Bjarnólfur Lárusson
  • Þjálfari: Tómas Ingi Tómasson
  • Aðstoðarþjálfari: Friðgeir Bergsteinsson
Tómas Ingi Tómasson og aðstoðarmaður hans  Friðgeir Bergsteinsson fylgjast með sínum mönnum hita upp.Mynd/FC Ísland

FC Ísland spilar fjóra leiki í sumar:

  • Fyrsti leikur verður í Vestmannaeyjum á fimmtudaginn, 25.júni.
  • Annar leikur á Akranesi 2. júlí
  • • Þriðji leikur á Akureyri 3. júlí
  • Fjórði leikur í Reykjavík 22. júlí.

Liðsmenn FC Ísland eru:

  • Baldvin Jón Hallgrímsson
  • Birkir Kristinsson
  • Bjarni Guðjónsson
  • Bjarnólfur Lárusson
  • Björgólfur Takefusa
  • Brynjar Benediktsson
  • Brynjar Björn Gunnarsson
  • Erlingur Jack Guðmundsson
  • Eyjólfur Örn Eyjólfsson
  • Eysteinn Lárusson
  • Garðar Gunnlaugsson
  • Gunnar Heiðar Þorvaldsson
  • Gunnar Jarl Jónsson
  • Gunnlaugur Jónsson
  • Halldór Hilmisson
  • Hjörtur Hjartarson
  • Ingólfur Sigurðsson
  • Jón Hafsteinn Jóhannsson
  • Kjartan Sturluson
  • Ólafur Páll Snorrason
  • Reynir Leósson
  • Sævar Þór Gíslason
  • Sigurbjörn Hreiðarsson
  • Tryggvi Guðmundson
  • Valur Fannar Gíslason



Fleiri fréttir

Sjá meira


×