Lífið

Instagram verður svart í dag

Stefán Árni Pálsson skrifar
Mörg hundruð þúsund svona myndir má finna á Instagram. 
Mörg hundruð þúsund svona myndir má finna á Instagram. 

Um heim allan dælast inn myndir á Instagram undir kassamerkinu #blackouttuesday  og er það gert til að standa þétt við bakið á fólki sem verður fyrir kynþáttafordómum.

Miklar óeirðir og mótmæli fara nú fram víðs vegar um Bandaríkin vegna dauða George Floyd sem var kornið sem fyllti mælinn vestanhafs í baráttunni gegn kynþáttfordómum þar í landi.

Fjölmargar stórstjörnur hafa birt myndir á Instagram með kassamerkinu og nú hafa Íslendingar einnig tekið upp á því að styðja málstaðinn eins og sjá má hér að neðan.

Á bak við átakið Blackout Tuesday standa Jamila Thomas og Brianna Agyemang, en þær hvöttu fólk í tónlistarbransanum til að breyta forsíðumyndum á samfélagsmiðlum í svarta kassa og setja upprunalega kassamerkið við, #TheShowMustBePaused.

Átakið tók því á sig nýja mynd þegar fólk hóf að birta svartar myndir í hrönnum í stað þess að hafa hljótt og breyta forsíðumyndum. Mótmælendur hafa margir lýst yfir áhyggjum af því að myndirnar svörtu drekki mikilvægum upplýsingum sem finna megi undir kassamerkinu #blacklivesmatter.

Uppfært: Upphafskonur átaksins birtu núna síðdegis tilkynningu  til að benda fólki á að markmiðið hafi verið að taka sér pásu frá hefðbundnum birtingum á samfélagsmiðlum, en ekki að „þagga niður í sjálfum okkur.“ Benda þær fólki vinsamlega á að nota ekki #blacklivesmatter með færslum sínum.

Hér að neðan má sjá birtingu ýmissa aðila á svörtu myndunum.

                          



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.