Sumarbústaðasyndrómið Ragga Nagli skrifar 6. apríl 2020 12:00 Ragnhildur Þórðardóttir, betur þekkt sem Ragga Nagli, er nýr pistlahöfundur á Vísi. Vísir/Vilhelm Sumarbústaðasyndrómið er í algleymingi hjá ansi mörgum núna í heimavistun Kórónunnar. Þekkirðu þegar þú ferð í sumarbústað og það eina sem þú hugsar um er næsta máltíð. Hvenær er matur? Hvað eigum við að borða í kvöld? Hvenær eigum við að byrja að elda? Eru til Hraunbitar? Eigum við að fá okkur smá forrétt núna? Er stemmning fyrir smá snakki yfir Matadorinu? Það er eðlilegt núna að leita í mat. Bæði dreifir hann huganum frá kvíðavekjandi fyrirsögnum um dauðsföll og kórónusmit. Þetta er ævaforn lífeðlislegur mekanismi í okkur sem veit að melting á gúmmulaði færir okkur úr streitukerfinu yfir í rólega kerfið. Streita sem við upplifum losar út kortisól sem eykur matarlyst og við förum í skápaskrölt. Og skrokkurinn veit að sykurhúðuð matvæli losa út dópamín svo okkur líði betur í allri þessari angist. Eins er lítið um að vera. Við erum vön að vera innan um fólk sem dreifir huganum. Við erum vön að vera að sækja og skutla, græja og gera, hittast og faðmast. Sumarbústaðasyndrómið..... Lítið annað um að vera en að nota mat sem áhugamál og afþreyingu. Núna erum við heima á náttbuxunum. Manst ekki hvenær þú fórst í sturtu. Með skítugt hár yfir tölvunni að berjast við Excel skjal og hausinn. Pervertísk löngun í súkkulaði smýgur inn í vitundina. Þú opnar ísskápinn í fimmtánda skiptið síðan í morgun. Klukkan er hálffjögur. Hálftími eftir af vinnudeginum. Nóa Siríus platan liggur í klámfenginni stellingu í heilanum með silungastút á munni og kallar nafnið þitt. Springur á limminu og slátrar heilli plötu.Plötunni sem þú veist af í bökunarskúffunni.Bakvið hurð svo enginn sjái.Hendir bréfinu til að afmá sönnunargögn. Samviskubitið byrjar að hríslast um skrokkinn jafnvel á meðan áti stendur. Hér eru nokkur ráð til að minnka leiðindaát. Lengdu tímann í hverri máltíð með að leggja frá þér hnífapörin, skipta í barnagaffal, skipta um hönd á hníf og gaffli. Tyggðu hægar og oftar. Ekki smjatta eins og glorhungruð hýena að tæta í sig dauðan skunk.Tyggðu frekar eins og úlfaldi... löturhægt og allavega 15-20 sinnum áður en þú dúndrar bitanum niður vélindað.Taktu upp hnífapörin þegar munnurinn er tómur. Ákveddu eitt til tvö rými í húsinu sem þú notar einungis til að borða. Ekki þar sem þú vinnur eða horfir á sjónvarpið. Notaðu eldhúsborðið og borðstofuborðið og stattu upp frá tölvunni og lokaðu henni á meðan þú borðar. Ekki kjamsa á rækjusamloku meðan þú sendir tölvupóst eða situr á Zoom fundi... án myndavélar. Vertu kaloríusnobbaður. Eyddu kaloríunum þínum í gæðastöff sem þér þykir gúrmeti Hafðu máltíðirnar girnilegar og gómsætar og fjölbreytni í matarvali svo þú hlakkir til að borða. Notaðu horaðar sósur, prófaðu nýjar uppskriftir, framandi krydd, nýjar samsetningar og nostraðu við áferðarperrann í þér.Prófaðu til dæmis að henda Tom Oliver prótínstykki í örbylgjuofn í 15 sekúndur en þá verður það eins og dýrindis brownie. Löðraðu í horaðri súkkulaðisósu og smá sprauturjóma fyrir seinniparts snæðing sem þaggar niður í sykurpúkanum.Oftar en ekki mætir fórnarlambshugsun uppá dekk þegar mataræðið er jafn einhæft og eldhúsdagsumræður um aukningu þorskkvóta. Þú hlakkar jafn mikið til að borða eins og að horfa á málningu þorna. Sestu niður við borð fyrir hvert át.... líka lúkuna af Nóakroppinu og Hraunbitana.Ekki borða beint upp úr pakkanum.Meðvitundarlaust jórtur veldur svekktri sál því þú manst bara eftir fyrsta molanum. Óminnishegrinn tekur öll völd á þriðju lúku.Reyndu að njóta hverrar máltíðar. Búðu til hinn fullkomna bita á gaffalinn og lokaðu augunum í fyrsta bitanum. Finndu hvernig allt knúsast saman í eina orgíu í munninum. Dragðu djúpt andann og andaðu hægt frá þér og finndu hvernig bragðið eykst á útönduninni. Veltu fyrir þér bragðinu og áferðinni. Hafðu skipulagðar 3-4 máltíðir á dag, morgunmat, hádegismat, kaffi, kvöldmat sem eru nægilega stórar til að þú sért saddur næstu 3-4 tímana og gefðu kerfinu frí á milli. Rannsóknir sýna að þú þarft allavega 400 hitaeiningar til að þrýsta á magavegginn og losa út næg seddumerki til að vera fullnægður í nokkra klukkutíma á eftir. Þegar við hendum niður lúku og lúku af smotteríi hér og þar ertu aldrei almennilega fullnægður og þarft að fara ferð eftir ferð í Homeblest pakkann. Líkaminn losar insúlín í hvert skipti sem við borðum og með tímanum verður til insúlínónæmi þegar það er stöðugt að banka á dyrnar í milljón snæðingum yfir daginn. Þegar nennan er í núlli til að skera, steikja, gera og græja stóraukast líkurnar á skóflun úr pakka eða poka. Hafðu tilbúna hollustu í haugum svo þú þurfir ekki að hafa mikið fyrir máltíðum á vinnutíma. Afgangar eru nefnilega hinn nýi skyndibiti. Eldaðu í bunkum á kvöldin og nýttu restarnar í hádegismat daginn eftir. Hafðu hollustu í augnhæð í ísskápnum og í eldhússkápunum. Þú ert líklegri að grípa það fyrsta sem þú sérð þegar þú opnar. Hafðu hollan mat það fyrsta sem þú sérð þegar þú opnar skápana og ísskápinn. Hrískökur. Gúrmetis prótínbari. Niðurskorið grænmeti. Ávextir. Skyr.Settu grænmeti og ávexti ofar í ísskápinn og skerðu niður í munnbita um leið og þú kemur heim úr búðinniÞú þarft ekki að geyma það í skúffunni. Þú ert ekki að búa til nýjan jarðveg. Úr sjónlínu er úr sálinni. Ekki hafa sælgæti í skálum þar sem þú sérð það allan vinnudaginn.Pakkaðu óhollum afgöngum í dökkar umbúðir og hollum í glærar. Pakkaðu hollum afgöngum í gegnsæjar plastumbúðirGeymdu óhollustu aftar úr sjónlínu, eða í grænmetisskúffunni í ísskápnum. Ef þú sérð hollu afgangana ertu líklegri að grípa þá. Þegar þú færð þér sælgæti og snakk veldu þá hágæða hám. Ekki þriðja flokks sælgæti. Skraufþurrt sætabrauð eða búðarkeyptar smákökur. Hættu að borða ef sælgætið er undir væntingum. Borðaðu gúmmulaðið í fjórðu víddinni án allra áreita með öll skynfæri opin og skráðu hvern bita í harðadrifið í heilanum.Daðraðu við molann og eigðu rómantískt móment með honumHaltu svo bara áfram með lífið. Ef þú borðar bara mat sem er gordjöss og gómsætur, hægt og rólega og átt rómantískt móment með matnum upplifirðu að þú þarft miklu minna magn og miklu færri ferðir inn í eldhús. Ísskápurinn er orðinn pirraður á þér. Innihaldið er eins og Facebook… þó þú vonir að þar sé eitthvað nýtt að finna í hvert skipti sem þú opnar þá er þetta alltaf sama gamla stöffið Ragga nagli Faraldur kórónuveiru (COVID-19) Heilsa Tengdar fréttir Ónæmiskerfið á tímum Kórónunnar Netið er stútfullt af kukli og snákaolíum sem eiga að koma í veg fyrir smit eða með magískum mekanisma læknað Kórónuna. 30. mars 2020 13:00 Mest lesið Mamman grét, eiginmaðurinn fraus en Veru var létt Lífið Fullkomið og fór langt fram úr væntingum Lífið Innlit í nýtt svefnhólfahótel við Hverfisgötu Lífið HAF-hjónin breyta vídjóleigu í bakarí Lífið Millie Bobby Brown og Bongiovi hafa ættleitt stúlku Lífið Svona verður dagskráin á Menningarnótt Lífið Ari og Helga Lilja flytja á milli glæsihúsa í Garðabæ Lífið Þungarokkstjarna lést í mótorhjólaslysi Lífið Lil Nas X handtekinn og vistaður á sjúkrahúsi Lífið Tvö maraþon eftir af sex: Úr þoku í sól, misörlátir ferðamenn og hálendið kvatt Lífið Fleiri fréttir Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Nafn sonarins innblásið af Frakklandi Súrrealískt þegar Jay Leno vinkaði fjölskyldunni á Facetime Borgarstjóri fagnaði brúðkaupsafmæli með strætóferð og indverskum mat Svarar samskiptastjóra Trump sem kallaði hann lúser Þetta borðar Lína Birgitta alla morgna „Indælasti dómari í heimi“ er látinn Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig „Pylsa“ sækir í sig veðrið Ómótstæðileg ítölsk steikarloka úr smiðju Hildar Rutar Opnar sig um sviplegt fráfall eiginmannsins „Lítið ömmugull á leiðinni“ hjá Siggu Lund Ríkulegt einbýlishús knattspyrnukappa falt fyrir 315 milljónir Langömmulán hjá Eddu Björgvins Sjá meira
Sumarbústaðasyndrómið er í algleymingi hjá ansi mörgum núna í heimavistun Kórónunnar. Þekkirðu þegar þú ferð í sumarbústað og það eina sem þú hugsar um er næsta máltíð. Hvenær er matur? Hvað eigum við að borða í kvöld? Hvenær eigum við að byrja að elda? Eru til Hraunbitar? Eigum við að fá okkur smá forrétt núna? Er stemmning fyrir smá snakki yfir Matadorinu? Það er eðlilegt núna að leita í mat. Bæði dreifir hann huganum frá kvíðavekjandi fyrirsögnum um dauðsföll og kórónusmit. Þetta er ævaforn lífeðlislegur mekanismi í okkur sem veit að melting á gúmmulaði færir okkur úr streitukerfinu yfir í rólega kerfið. Streita sem við upplifum losar út kortisól sem eykur matarlyst og við förum í skápaskrölt. Og skrokkurinn veit að sykurhúðuð matvæli losa út dópamín svo okkur líði betur í allri þessari angist. Eins er lítið um að vera. Við erum vön að vera innan um fólk sem dreifir huganum. Við erum vön að vera að sækja og skutla, græja og gera, hittast og faðmast. Sumarbústaðasyndrómið..... Lítið annað um að vera en að nota mat sem áhugamál og afþreyingu. Núna erum við heima á náttbuxunum. Manst ekki hvenær þú fórst í sturtu. Með skítugt hár yfir tölvunni að berjast við Excel skjal og hausinn. Pervertísk löngun í súkkulaði smýgur inn í vitundina. Þú opnar ísskápinn í fimmtánda skiptið síðan í morgun. Klukkan er hálffjögur. Hálftími eftir af vinnudeginum. Nóa Siríus platan liggur í klámfenginni stellingu í heilanum með silungastút á munni og kallar nafnið þitt. Springur á limminu og slátrar heilli plötu.Plötunni sem þú veist af í bökunarskúffunni.Bakvið hurð svo enginn sjái.Hendir bréfinu til að afmá sönnunargögn. Samviskubitið byrjar að hríslast um skrokkinn jafnvel á meðan áti stendur. Hér eru nokkur ráð til að minnka leiðindaát. Lengdu tímann í hverri máltíð með að leggja frá þér hnífapörin, skipta í barnagaffal, skipta um hönd á hníf og gaffli. Tyggðu hægar og oftar. Ekki smjatta eins og glorhungruð hýena að tæta í sig dauðan skunk.Tyggðu frekar eins og úlfaldi... löturhægt og allavega 15-20 sinnum áður en þú dúndrar bitanum niður vélindað.Taktu upp hnífapörin þegar munnurinn er tómur. Ákveddu eitt til tvö rými í húsinu sem þú notar einungis til að borða. Ekki þar sem þú vinnur eða horfir á sjónvarpið. Notaðu eldhúsborðið og borðstofuborðið og stattu upp frá tölvunni og lokaðu henni á meðan þú borðar. Ekki kjamsa á rækjusamloku meðan þú sendir tölvupóst eða situr á Zoom fundi... án myndavélar. Vertu kaloríusnobbaður. Eyddu kaloríunum þínum í gæðastöff sem þér þykir gúrmeti Hafðu máltíðirnar girnilegar og gómsætar og fjölbreytni í matarvali svo þú hlakkir til að borða. Notaðu horaðar sósur, prófaðu nýjar uppskriftir, framandi krydd, nýjar samsetningar og nostraðu við áferðarperrann í þér.Prófaðu til dæmis að henda Tom Oliver prótínstykki í örbylgjuofn í 15 sekúndur en þá verður það eins og dýrindis brownie. Löðraðu í horaðri súkkulaðisósu og smá sprauturjóma fyrir seinniparts snæðing sem þaggar niður í sykurpúkanum.Oftar en ekki mætir fórnarlambshugsun uppá dekk þegar mataræðið er jafn einhæft og eldhúsdagsumræður um aukningu þorskkvóta. Þú hlakkar jafn mikið til að borða eins og að horfa á málningu þorna. Sestu niður við borð fyrir hvert át.... líka lúkuna af Nóakroppinu og Hraunbitana.Ekki borða beint upp úr pakkanum.Meðvitundarlaust jórtur veldur svekktri sál því þú manst bara eftir fyrsta molanum. Óminnishegrinn tekur öll völd á þriðju lúku.Reyndu að njóta hverrar máltíðar. Búðu til hinn fullkomna bita á gaffalinn og lokaðu augunum í fyrsta bitanum. Finndu hvernig allt knúsast saman í eina orgíu í munninum. Dragðu djúpt andann og andaðu hægt frá þér og finndu hvernig bragðið eykst á útönduninni. Veltu fyrir þér bragðinu og áferðinni. Hafðu skipulagðar 3-4 máltíðir á dag, morgunmat, hádegismat, kaffi, kvöldmat sem eru nægilega stórar til að þú sért saddur næstu 3-4 tímana og gefðu kerfinu frí á milli. Rannsóknir sýna að þú þarft allavega 400 hitaeiningar til að þrýsta á magavegginn og losa út næg seddumerki til að vera fullnægður í nokkra klukkutíma á eftir. Þegar við hendum niður lúku og lúku af smotteríi hér og þar ertu aldrei almennilega fullnægður og þarft að fara ferð eftir ferð í Homeblest pakkann. Líkaminn losar insúlín í hvert skipti sem við borðum og með tímanum verður til insúlínónæmi þegar það er stöðugt að banka á dyrnar í milljón snæðingum yfir daginn. Þegar nennan er í núlli til að skera, steikja, gera og græja stóraukast líkurnar á skóflun úr pakka eða poka. Hafðu tilbúna hollustu í haugum svo þú þurfir ekki að hafa mikið fyrir máltíðum á vinnutíma. Afgangar eru nefnilega hinn nýi skyndibiti. Eldaðu í bunkum á kvöldin og nýttu restarnar í hádegismat daginn eftir. Hafðu hollustu í augnhæð í ísskápnum og í eldhússkápunum. Þú ert líklegri að grípa það fyrsta sem þú sérð þegar þú opnar. Hafðu hollan mat það fyrsta sem þú sérð þegar þú opnar skápana og ísskápinn. Hrískökur. Gúrmetis prótínbari. Niðurskorið grænmeti. Ávextir. Skyr.Settu grænmeti og ávexti ofar í ísskápinn og skerðu niður í munnbita um leið og þú kemur heim úr búðinniÞú þarft ekki að geyma það í skúffunni. Þú ert ekki að búa til nýjan jarðveg. Úr sjónlínu er úr sálinni. Ekki hafa sælgæti í skálum þar sem þú sérð það allan vinnudaginn.Pakkaðu óhollum afgöngum í dökkar umbúðir og hollum í glærar. Pakkaðu hollum afgöngum í gegnsæjar plastumbúðirGeymdu óhollustu aftar úr sjónlínu, eða í grænmetisskúffunni í ísskápnum. Ef þú sérð hollu afgangana ertu líklegri að grípa þá. Þegar þú færð þér sælgæti og snakk veldu þá hágæða hám. Ekki þriðja flokks sælgæti. Skraufþurrt sætabrauð eða búðarkeyptar smákökur. Hættu að borða ef sælgætið er undir væntingum. Borðaðu gúmmulaðið í fjórðu víddinni án allra áreita með öll skynfæri opin og skráðu hvern bita í harðadrifið í heilanum.Daðraðu við molann og eigðu rómantískt móment með honumHaltu svo bara áfram með lífið. Ef þú borðar bara mat sem er gordjöss og gómsætur, hægt og rólega og átt rómantískt móment með matnum upplifirðu að þú þarft miklu minna magn og miklu færri ferðir inn í eldhús. Ísskápurinn er orðinn pirraður á þér. Innihaldið er eins og Facebook… þó þú vonir að þar sé eitthvað nýtt að finna í hvert skipti sem þú opnar þá er þetta alltaf sama gamla stöffið
Ragga nagli Faraldur kórónuveiru (COVID-19) Heilsa Tengdar fréttir Ónæmiskerfið á tímum Kórónunnar Netið er stútfullt af kukli og snákaolíum sem eiga að koma í veg fyrir smit eða með magískum mekanisma læknað Kórónuna. 30. mars 2020 13:00 Mest lesið Mamman grét, eiginmaðurinn fraus en Veru var létt Lífið Fullkomið og fór langt fram úr væntingum Lífið Innlit í nýtt svefnhólfahótel við Hverfisgötu Lífið HAF-hjónin breyta vídjóleigu í bakarí Lífið Millie Bobby Brown og Bongiovi hafa ættleitt stúlku Lífið Svona verður dagskráin á Menningarnótt Lífið Ari og Helga Lilja flytja á milli glæsihúsa í Garðabæ Lífið Þungarokkstjarna lést í mótorhjólaslysi Lífið Lil Nas X handtekinn og vistaður á sjúkrahúsi Lífið Tvö maraþon eftir af sex: Úr þoku í sól, misörlátir ferðamenn og hálendið kvatt Lífið Fleiri fréttir Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Nafn sonarins innblásið af Frakklandi Súrrealískt þegar Jay Leno vinkaði fjölskyldunni á Facetime Borgarstjóri fagnaði brúðkaupsafmæli með strætóferð og indverskum mat Svarar samskiptastjóra Trump sem kallaði hann lúser Þetta borðar Lína Birgitta alla morgna „Indælasti dómari í heimi“ er látinn Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig „Pylsa“ sækir í sig veðrið Ómótstæðileg ítölsk steikarloka úr smiðju Hildar Rutar Opnar sig um sviplegt fráfall eiginmannsins „Lítið ömmugull á leiðinni“ hjá Siggu Lund Ríkulegt einbýlishús knattspyrnukappa falt fyrir 315 milljónir Langömmulán hjá Eddu Björgvins Sjá meira
Ónæmiskerfið á tímum Kórónunnar Netið er stútfullt af kukli og snákaolíum sem eiga að koma í veg fyrir smit eða með magískum mekanisma læknað Kórónuna. 30. mars 2020 13:00