Safa­ríkur kjúklingaréttur sem slær alltaf í gegn

Sósan er létt og fersk, því hún inniheldur bæði venjulegan og sýrðan rjóma. Meðlætið er eldað í sósunni sem gerir réttinn einstaklega bragðmildan og eldamennskuna einfaldari.

Safaríkar kjúklingabringur með bragðmikilli rjómasósu

Hráefni:

• 3 stk kjúklingabringur
• Salt og pipar 
• 2 msk hveiti
• 2 msk steikingarolía
• 1/2 butternut grasker
• 1 laukur
• 4-5 hvítlauksgeirar
• 250 ml rjómi 
• 250 ml vatn
• 1 kjúklingateningur
• 1 msk soja sósa
• 2 tsk eplaedik
• 2 dollur af sýrðum rjóma 10% 
• 1 tsk oreganó
• 1/4 tsk paprikukrydd
• 1/4 tsk þurrkað chilí krydd
• 100 g Babyleaf spínat

Aðferð:

1. Kryddið kjúklingabringurnar vel með salti og pipar, dreifið svo hveiti yfir þær. Gott er að nota eldhúspappír til að fá jafnt lag af hveiti á allar kjúklingabringurnar. 
2. Steikið á stórri pönnu upp úr olíu þar til fallega brúnuð húð hefur myndast (ekki eldaðar í gegn). Takið af pönnunni og setjið til hliðar.
3. Skerið laukinn smátt niður og steikið á pönnunni upp úr olíu.
4. Flysjið graskerið, fjarlægið fræin og skerið í litla teninga. Setjið á pönnuna og steikið.
5. Ríffið hvítlauksgeirana úr á pönnunna og steikið létt.
6. Bætið rjómanum út á ásamt vatni, kjúklingakrafti, sýrðum rjóma, soja sósu og epla ediki.
7. Kryddið með oreganó, papriku, chilí, salti og pipar.
8. Bætið baby leaf út á ásamt kjúklingabringunum, leyfið kjúklingnum að malla í sósunni þar til þær eru eldaðar í gegn.
9. Berið fram með auka sýrðum rjóma.