Þarf ekki að greiða makalífeyri

Héraðsdómur Reykjavíkur sýknaði lífeyrissjóð starfsmanna ríkisins í gær af kröfu konu á fimmtugsaldri, sem vildi fá makalífeyri látins föður síns greiddan. Konan sótti um makalífeyrinn eftir lát föður síns árið 1995, en hún hafði um árabil haldið heimili með föður sínum og annast bæði hann og heimilið. Sjóðurinn benti á að fyrrverandi eiginkona föðursins er enn á lífi, svo hann hefði því skilið eftir sig maka samkvæmt lagaskilningi sjóðsins. Jafnframt að konan hefði ekki haft lögheimili samfellt á heimili föður síns árin áður en hann lést.