Schröder lætur reyna á stuðning

Gerhard Schröder, kanslari Þýskalands, hyggst láta reyna á stuðning við ríkisstjórn sína á þýska Sambandsþinginu fyrir 1. júlí næstkomandi, en fyrir þann tíma verður kosið um vantraustsyfirlýsingu sem lögð verður fram. Ákvörðun hans má rekja til stórtaps Jafnaðarmannaflokksins í héraðskosningum í Nordhrein-Westfalen í gær, en þar hefur flokkurinn verið við völd í nærri fjóra áratugi. Í kjölfar tapsins boðuðu Schröder og Franz Muntefering, formaður Jafnaðarmannaflokksins, að kosningar færu fram í haust, ári fyrr en áætlað var. Hins vegar er ekki auðvelt að rjúfa þing í Þýskalandi og þarf annaðhvort vantraustsyfirlýsingu þingsins eða samþykki forseta. Tapið í héraðskosningunum í gær þykir hafa grafið mjög undan áformum stjórnar Schröders um umætur í landinu sem mætt hafa töluverðri andstöðu meðal almennings. Því vill Schröder láta reyna á það í kosningum hvort hann hafi skýran stuðning þjóðarinnar til þess að hrinda umbótunum í framkvæmd. Verði vantraustsyfirlýsing á stjórn Schröders samþykkt hefur forseti Þýskalands, Horst Köhler, þrjár vikur til að rjúfa þingi og í kjölfarið verður að halda þingkosningar innan tveggja mánaða.