Amy Winehouse með nýjan Blake

Amy Winehouse virðist vera á góðri leið með að gjörbreyta lífi sínu. Ef marka má sögusgagnir er hún meira að segja búin að skipta um Blake.

Frá því söngkonan losnaði úr meðferð hefur hún eytt öllum stundum með listamanninum Blake Wood, nokkuð sem eiginmanni hennar, hinum fangelsaða Blake Fielder-Civil lýst líklega ekki vel á.

Winehouse segir þó ekkert misjafnt í gangi á milli þeirra, og ber því við að Blake hinn nýi sé samkynhneigður. Hann lýsir sér þó sem tvíkynhneigðum. Skötuhjúin hafa dvalið saman á hótelherbergi í London frá því hún kom út úr meðferð, og vangað og faðmast á skemmtistöðum borgarinnar. Haft er eftir nærstöddum að þau hafi líkst ástföngnu pari meira en vinum.

Nýi Blake er þó líklega vænlegri tengdasonur en sá fyrri. Hann er grænmetisæta sem drekkur hvorki né tekur eiturlyf, og hefur dundar sér við að lesa Baudelaire í tómstundum.