Róar ófríska konu

Chris Rock nýtti húmorinn á frekar óhefðbundinn hátt um helgina, þegar hann kom ófrískri konu til hjálpar í verslunarmiðstöð í New Jersey. Konan var að stíga af rúllustiga þegar hún skyndilega missti legvatnið. Leikarinn var ekki langt undan og hóf að segja konunni og nærstöddum alls konar brandara í von um að róa þá ófrísku.

„Hann fékk fólkið og ófrísku konuna til að hlæja,“ segir sjónar­vottur, en Chris dvaldi með henni þar til sjúkraflutningamenn fluttu hana á nærliggjandi sjúkrahús.