Son úr leik á Asíuleikunum og á leið aftur til Englands

Heung-Min Son er á leiðinni aftur til Tottenham eftir að Suður-Kórea datt út úr Asíukeppninni í gær.

Suður-Kórea tapaði 1-0 fyrir Katar í átta liða úrslitunum í gær svo Son mun ekki spila í undanúrslitunum og úrslitunum sem fara fram í næstu viku.

Það eru væntanlega margir Tottenham menn sem brosa við þessi tíðindi því liðið er í mikilli krísu. Harry Kane og Dele Alli eru á meiðslalistanum svo framlínan er þunnskipuð.

Kane og Alli munu ekki spila fyrr en í mars svo þeir gætu misst af báðum leikjunum gegn Dortmund í Meistaradeildinni og svo er Tottenham einnig að berjast í úrvalsdeildinni og enska bikarnum.

Son verður væntanlega ekki í leikmannahóp Tottenham á sunnudaginn er Crystal Palace kemur í heimsókn á Wembley í enska bikarnum en hann gæti verið klár á miðvikudaginn er Tottenham spilar gegn Watford á miðvikudaginn.