Verður Englandsmeistari samherji Gylfa hjá Everton?

Everton hefur áhuga á því að klófesta miðjumanninn Fabian Delph frá Manchester City en þetta segir enska vefútgáfan af blaðinu The Telegraph.

Englandsmeistararnir í City hafa keypt miðjumanninn Rodri frá Atletico Madrid og vinstri bakvörðinn Angelino frá PSV. Það minnkar væntanlega spilatíma Delph.

Hann spilaði mest í vinstri bakverðinum á síðustu leiktíð en með komu Angelino og að endurhæfing Benjamin Mendy gangi vel er ólíklegt að Delph fái margar mínútur í bakverðinum á næstu leiktíð.

Everton interested in Manchester City midfielder Fabian Delph | @_ChrisBascombehttps://t.co/jFHzNqcPu8

— Telegraph Football (@TeleFootball) July 9, 2019

Hinn 29 ára gamli Englendingur spilaði tuttugu leiki með City í öllum keppnum á síðustu leiktíð og hjálpaði liðinu að vinna þrennuna; Englandsmeistaratitilinn, enska deildarbikarinn og enska bikarinn.