Stóri Duncan stýrir Gylfa og félögum gegn United

Anton Ingi Leifsson skrifar 12. desember 2019 06:30

Duncan glaður í bragði um síðustu helgi. vísir/getty

Duncan Ferguson verður á hliðarlínunni og stýrir Everton um helgina er liðið mætir Manchester United á útivelli.

Duncan stýrði Everton um liðna helgi eftir að Everton ákvað að reka Marco Silva úr starfi en Duncan hafði verið í þjálfarateymi Everton áður.

Hann byrjaði heldur betur vel í starfi því Everton vann 3-1 sigur á Chelsea og lyfti sér upp úr fallsæti en búist var við að Everton myndi ráða inn nýjan stjóra fyrir helgina.

BREAKING: Everton have confirmed that Duncan Ferguson will remain as caretaker manager for this weekend's #SuperSunday clash with Manchester United.
— Sky Sports News (@SkySportsNews) December 11, 2019

Svo verður ekki. Vitor Pereira var orðaður við starfið en hann tekur ekki við liðinu og eftir að Carlo Ancelotti var rekinn frá Napoli í gær hefur hann verið orðaður við starfið.

Leikur Man. United og Everton fer fram í hádeginu á laugardaginn.

Enski boltinn

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.