Enski boltinn

Nýtt stjórateymi Everton hefur spilað saman 630 leiki með félaginu

Óskar Ófeigur Jónsson skrifar
Duncan Ferguson lét finna fyrir sér á vellinum og vill frá orku og kraft frá Everton mönnum á morgun. Hér er hann í leik á móti Liverpool fyrir nokkrum árum.
Duncan Ferguson lét finna fyrir sér á vellinum og vill frá orku og kraft frá Everton mönnum á morgun. Hér er hann í leik á móti Liverpool fyrir nokkrum árum. Getty/Ross Kinnaird
Duncan Ferguson er tekinn tímabundið við Gylfa Þór Sigurðssyni og félögum í Everton og hann hefur nú gengið frá samsetninguna á þjálfarateymi sínu fyrir fyrsta leik.



Aðstoðarmenn Ferguson í leiknum á móti Chelsea á Goddison Park á morgun verða þeir John Ebbrell, Francis Jeffers og Alan Kelly.







Ferguson, Ebbrell og Jeffers eiga samtals 620 leiki með aðalliði Everton. Það er ljóst að Everton-hjartað mun ráða för á næstunni.



Alan Kelly, sem verður markmannsþjálfarinn, hefur líka mikla reynslu en hann lék meira en 450 leiki í enska boltanum og 34 landsleiki fyrir Íra á sínum sextán ára atvinnumannaferli.



Ebbrell, Jeffers og Kelly voru allir aðstoðarmenn David Unsworth hjá 23 ára liði Everton en færa sig tímabundið yfir. Saman hjálpuðu þeir Everton að vinna varaliðsdeildina.





Enski boltinn

Mest lesið


Fleiri fréttir

Sjá meira


Mest lesið


Velkomin á Vísi. Þessi vefur notar vafrakökur. Sjá nánar.