Fabinho frá út árið

Fabinho mun ekki spila meira með Liverpool á þessu ári vegna ökklameiðsla sem hann varð fyrir í vikunni.

Fabinho meiddist snemma leiks Liverpool og Napólí í Meistaradeidl Evrópu í vikunni þegar hann datt illa eftir að hafa farið í tæklingu.

Í tilkynningu frá Liverpool sagði að hann hafi meiðst á liðbandi á ökkla og verði frá þar til á næsta ári.

„Þetta eru slæmar fréttir. Að missa leikmann í gæðaflokki Fabinho er mjög stórt,“ sagði Jurgen Klopp.

„Við erum ekki 100 prósent vissir um tímarammann en það virðist nokkuð öruggt að hann verði ekki með í jólaleikjunum.“

Liverpool trónir á toppi ensku úrvalsdeildarinnar með átta stiga forskot á Leicester. Fabinho byrjaði 12 af þeim 13 deildarleikjum sem búnir eru.