Sanchez þurfti að skilja Lukaku og Brozovic að í búningsklefanum
Romelu Lukaku og Marcelo Brozovic lentu saman í búningsklefa Inter Milan eftir 1-1 jafntefli ítalska liðsins gegn Slavia Prague í Meistaradeildinni í vikunni.
Belgíski framherjinn var ekki ánægður með frammistöðu Brozovic í leiknum á þriðjudaginn og sagði að Króatinn gæti ekki framfylgt taktík Antonio Conte.
Hann hélt áfram og sagði að Brozovic hefði misst boltann alltof oft en rifrildið byrjaði rólega áður en mikill hiti komst í rifrildin.
Sparks fly at Inter as furious Romelu Lukaku is pulled away from Marcelo Brozovic by old pal Alexis Sanchez after he takes aim at midfielder for failing to follow Antonio Conte's tactics https://t.co/oTyvo3VtkR pic.twitter.com/OmJJlaB7Ul
— MailOnline Sport (@MailSport) September 19, 2019
Brozovic byrjaði að svara Lukaku að hann hefði ekki nýtt sín færi og það endaði með því að þeir stóðu ofan í hvor öðrum í búningsklefa Inter eftir leikinn.
Það þurfti fyrrum samherja Lukaku hjá Manchester United, Alexis Sanchez, til að skilja leikmennina að svo ekki upp úr syði.
Antonio Conte, stjóri Inter, hefur nú þegar talað við Giuseppe Marotta, framkvæmdarstjóra félagsins, og beðið hann um að komast til botns í málinu bakvið tjöldin.
Inter hefur byrjað leiktíðina vel í ítölsku úrvalsdeildinni og unnið fyrstu tvo leikina en um helgina mæta þeir grönnunum í AC Milan.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
