Samherji Gylfa fékk peningasekt og viðvörun

Yerry Mina, varnarmaður Everton, hefur verið sektaður um tíu þúsund pund og fékk aðvörun frá enska knattspyrnusambandinu eftir brot á reglum sambandsins.

Hinn 24 ára gamli Mina birtist í sjónvarpsauglýsingu í heimalandinu, Kólumbíu, þar sem hann auglýsti veðmálafyrirtækið Betjuego.

Í vörn Everton sögðu þeir að Mina væri ekki góður í ensku og hann hafi ekki skilið hvernig reglurnar væru um veðmál og leikmenn í ensku úrvalsdeildinni.

Everton's Yerry Mina has been fined and warned as to his future conduct.

Here's why  https://t.co/gASjrzPZnx#efc#bbcfootballpic.twitter.com/0P9J7gsWEA

— BBC Sport (@BBCSport) September 10, 2019

Enska knattspyrnusambandið sagði að sektin væri viðeigandi en Everton sagði einnig að auglýsingin hafi verið fjarlægð um leið og ljóst var að Mina hafi brotið reglur.

Mina gekk í raðir Everton frá Barcelona í ágúst 2018 og hefur leikið vel með liðinu síðan. Hann hefur myndað gott miðvarðapar með Michael Keane.