Dæmdur í átta ára bann
Sílemaðurinn Juan Carlos Saez má ekki keppa aftur í tennisíþróttinni fyrr en í fyrsta lagi árið 2027.
Alþjóðatennissambandið dæmdi í dag Juan Carlos Saez í átta ára bann og til að greiða 10.300 punda sekt fyrir brot á reglum um hagræðingu úrslita. Sektin er upp á eina og hálfa milljón í íslenskum krónum.
Juan Carlos Saez komst hæst upp í 230. sæti á heimslistanum í september 2015 en hann er núna í 1082. sæti listans.
Former world number 230 Juan Carlos Saez has been banned for eight years and fined £10,300 ($12,500) for breaching anti-corruption rules.
More https://t.co/8tRMWiIBY6 pic.twitter.com/AchtPSPM6l
— BBC Sport (@BBCSport) August 20, 2019
Þessi 28 ára Sílemaður var kallaður í viðtal af Tennis Integrity Unit. Ástæðan voru óvenjuleg veðmál í kringum leiki hans.
Saez var ekki tilbúinn að leyfa rannsóknarmönnum að skoða símann sinn. Hann viðurkenndi líka í öðru viðtali að fengið beiðni um hagræðingu úrslita og ekki látið rétta aðila vita af því.
Juan Carlos Saez telst því hafa brotið reglur gegn spillingu.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
