Enski boltinn

Salah hughreysti strák sem hljóp á ljósastaur

Ingvi Þór Sæmundsson skrifar
Salah skoraði og gaf stoðsendingu í sigri Liverpool á Norwich City í upphafsleik ensku úrvalsdeildarinnar.
Salah skoraði og gaf stoðsendingu í sigri Liverpool á Norwich City í upphafsleik ensku úrvalsdeildarinnar. vísir/getty
Mohamed Salah hughreysti ungan Liverpool-aðdáanda sem hljóp á ljósastaur er hann reyndi að ná athygli hetjunnar sinnar.

Bræðurnir Louis og Isaac búa nálægt Melwood, æfingasvæði Liverpool. Á dögunum komu þeir auga á Salah og eltu bíl hans.

Louis var svo ákveðinn í að sjá Salah að hann tók ekki eftir ljósastaur á vegi hans. Strákurinn hljóp á staurinn og rotaðist.

Salah tók loks eftir Louis og sneri við til að athuga hvort ekki væri í lagi með strákinn.

Sem betur varð Louis ekki meint af. Og hann fékk mynd af sér með hinum umhyggjusama Salah sem sjá má hér fyrir neðan.



Salah byrjar tímabilið af krafti en hann skoraði eitt mark og lagði upp annað í 4-1 sigri Liverpool á Norwich City í 1. umferð ensku úrvalsdeildarinnar á föstudaginn.

Næsti leikur Liverpool er gegn Chelsea í Ofurbikar Evrópu á miðvikudaginn.

England Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið