Crystal Palace nælir sér í tvöfaldan Englandsmeistara

Enska úrvalsdeildarliðið Crystal Palace nældi sér í öflugan liðsstyrk í gær þegar liðið gekk frá samningi við enska varnarmanninn Gary Cahill sem var án félags eftir að hafa yfirgefið Chelsea í lok síðasta tímabils.

Cahill er 33 ára gamall og gerir tveggja ára samning við Palace sem hafnaði í 12.sæti deildarinnar á síðustu leiktíð.

Cahill kom lítið við sögu með Chelsea á síðustu leiktíð en var í lykilhlutverki hjá Lundúnarliðinu meistaratímabilin 2014-2015 og 2016-2017.

Hann vann einnig Meistaradeild Evrópu með Chelsea auk þess að hjálpa liðinu að vinna bæði Evrópudeildina og enska bikarinn í tvígang. 

Gary Cahill's career in numbers:

2 Premier Leagues
2 FA Cups
1 League Cup
1 Champions League
2 Europa Leagues

3 PFA Team of the Years
61 England caps

Past his prime but still excellent business from Crystal Palace. pic.twitter.com/3YeyhJwpfQ

— 888sport (@888sport) August 5, 2019