Menning

Heimsfrumsýning á íslenska dans- og tónverkinu Aiõn

Gunnþóra Gunnarsdóttir skrifar
Hluti af dansflokknum spókar sig á götum Gautaborgar milli æfinga.
Hluti af dansflokknum spókar sig á götum Gautaborgar milli æfinga. ÍD

Dans- og tónverkið Aiõn eftir Ernu Ómarsdóttur danshöfund og Önnu Thorvaldsdóttur tónskáld verður heimsfrumsýnt á Point-tónlistarhátíðinni í Gautaborg á morgun, 24. maí. Dansarar Íslenska dansflokksins og hljóðfæraleikarar Sinfóníuhljómsveitar Gautaborgar renna saman í eitt í túlkun þess.

Aiõn er mikið ástríðuverkefni þeirra Ernu og Önnu og er innblásið af abstrakt hugsun um tímann og ferðalag milli vídda. Þær stöllur bjóða áhorfendum upp á töfrandi heim þar sem tónlist og dans mætast á óvanalegan hátt.

Dansflokkurinn hefur fengið til liðs við sig búningahönnuðinn Agnieszka Baranowska og kvikmyndagerðarmennina Pierre-Alain Giraud og Valdimar Jóhannsson. Vídeóverki, sem þeir Pierre-Alain og Valdimar hafa búið til fyrir Aiõn, verður varpað á veggi tónlistarhússins meðan flutningur dans- og tónverksins fer fram.

Aiõn er samstarfsverkefni Íslenska dansflokksins, Sinfóníuhljómsveitar Íslands og Sinfóníuhljómsveitar Gautaborgar. Íslendingar fá tækifæri til að upplifa það 1. apríl 2020 þegar Íslenski dansflokkurinn og Sinfóníuhljómsveit Íslands flytja verkið í Eldborg í Hörpu. (Þetta er ekki aprílgabb!)

Á æfingu á Aiõn. Gunnar Freyr Steinsson


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.