Liverpool treystir á vængbrotna Máva Kristinn Páll Teitsson skrifar 11. maí 2019 13:00 Chris Hughton er stjóri Brighton. vísir/getty Lokaumferð ensku úrvalsdeildarinnar fer fram á sunnudaginn þegar allir tíu leikirnir verða leiknir samtímis. Flautað er á klukkan 14.00 og verða Englandsmeistarar krýndir í leikslok en óvíst er hvort Manchester City eða Liverpool hreppir hnossið í ár þó að City þurfi að teljast líklegri. Spennan er heldur minni í hinum átta leikjunum, Arsenal á enn tölfræðilegan möguleika á því að skjótast upp fyrir Tottenham og enn geta lið skipt um sæti í lokatöflunni en annað er ráðið. Nýliðar Cardiff og Fulham fylgja Huddersfield niður í Championship-deildina og Manchester United, og mögulega Arsenal, mun leika í Evrópudeildinni á næsta ári á meðan Tottenham, Chelsea, Liverpool og Manchester City keppa í Meistaradeild Evrópu. Spennan er einungis á toppnum þar sem Manchester City getur endurheimt Englandsmeistaratitilinn og um leið orðið þriðja liðið frá stofnun ensku úrvalsdeildarinnar 1992 til að verja titilinn. Til þess þarf Manchester City aðeins að vinna Brighton en misstígi City sig getur Liverpool náð toppsætinu á ný með sigri á Úlfunum. Tölfræðin er Brighton ekki hliðholl fyrir leik helgarinnar enda gengi liðsins afar slakt eftir áramót. Brighton sigldi lygnan sjó um mitt tímabilið eftir sigur á Everton í fyrsta leik seinni umferðarinnar, lokaleik ársins 2018, en síðan þá hefur stigasöfnunin verið afar rýr. Alls hefur Brighton krækt í ellefu stig eftir áramót, unnið tvo leiki, gert fimm jafntefli og tapað tólf. Þá eru tveir mánuðir liðnir síðan Brighton vann síðast leik, gegn Crystal Palace í byrjun mars. Heildarstigafjöldinn yfir tímabilið er 36 stig og nýtur Brighton góðs af slöku gengi liðanna fyrir neðan. Á sama tíma og Mávarnir í Brighton hafa brotlent hefur Manchester City stigið á bensíngjöfina og rúllað yfir andstæðinga sína í ensku úrvalsdeildinni eftir áramótin. Þrátt fyrir að fara langt í öllum fjórum keppnunum og hafa glímt við meiðslin sem fylgja slíku leikjaálagi hefur City haldið sjó og gott betur í ensku úrvalsdeildinni. Í síðustu átján leikjum hefur City tapað einum leik en unnið sautján, skorað 40 mörk og aðeins fengið á sig sjö þrátt fyrir að hafa mætt öllum sterkustu liðum deildarinnar á þessum tíma. Liverpool getur þó huggað sig við það að af sextán stigum sem Manchester City hefur tapað á þessu ári hafa þrettán þeirra farið forgörðum á útivelli. Takist Brighton að taka stig af Manchester City um helgina á Liverpool möguleika á að binda enda á 29 ára bið félagsins eftir Englandsmeistaratitli en í þeirra vegi standa Úlfarnir. Nýliðar Wolves eru búnir að tryggja sér sjöunda sæti úrvalsdeildarinnar og þar með líklegast Evrópusæti á næsta ári. Er það besti árangur félagsins í efstu deild í 39 ár og mun Wolves ekki veita Liverpool neinn afslátt í lokaumferðinni. Þá verður áhugavert að sjá hvernig leikmönnum Liverpool tekst að stilla spennustigið eftir að hafa komist í úrslit Meistaradeildar Evrópu fyrr í vikunni með 4-0 sigri á Barcelona. Sá leikur ætti að hafa reynt á orkubirgðir Liverpool og gæti Wolves náð að nýta sér það á Anfield á sunnudaginn. Manchester City er ríkjandi Englandsmeistari en liðið myndi vinna titilinn í sjötta skipti í sögunni takist því að landa titlinum. Liverpool hefur hins vegar ekki tekist að vinna deildina síðan árið 1990. Mohamed Salah var ekki með Liverpool þegar liðið vann hinn frækna sigur gegn Barcelona í vikunni en hann var að glíma við afleiðingar höfuðhöggs. Jürgen Klopp, knattspyrnustjóri Liverpool, sagði hins vegar að hann byggist við því að Salah yrði klár í slaginn í tæka tíð fyrir leikinn gegn Wolves á morgun. Þá hefur Roberto Firmino verið að glíma við vöðvameiðsli undanfarið og er hann í kapphlaupi í tímann við að ná leiknum á morgun. Liverpool-menn eignuðust nýja hetju i framlínu liðsins í vikunni þar sem Divock Origi skoraði tvö marka liðsins í sigrinum gegn Barcelona sem fleytti liðinu í úrslitaleik Meistaradeildarinnar. Stuðningsmenn Liverpool fara því rólegir inn í leikinn með Origi í fremstu víglínu en eftir það tekur við taugatrekkjandi tími þar sem þeir vonast eftir sigri og að Manchester City misstígi sig. Birtist í Fréttablaðinu Fótbolti Mest lesið Óánægja með vítið á Akranesi: „Kominn tími á að taka á atferli leikmanns númer 19“ Íslenski boltinn Orri Steinn fullkomnaði dag ungs stuðningsmanns Fótbolti Ísak skoraði í vítakeppni í grátlegu tapi Fótbolti Uppgjör: Fylkir - HK 3-1 | Lífsnauðsynlegur og langþráður sigur Fylkis gegn HK Íslenski boltinn Heimir Hallgríms þegar búinn að tryggja sambandinu 277 milljónir Fótbolti Golfstjarnan stytti sér aldur Golf Íslendingaliðin í bullandi fallbaráttu eftir töp dagsins Fótbolti Sveindís Jane mætti og studdi sína konu: Stolt af þér gullið mitt Fótbolti Goðsögnin Bill Walton látinn Körfubolti Lést eftir að hafa dottið af hestbaki Sport Fleiri fréttir Kraftaverkamaðurinn Emery framlengir á Villa Park Chelsea í viðræður um kaup á stjóra Leicester Tekur ekki við Chelsea sem vill ráða nýjan stjóra í vikunni „Fullt af mistökum“ Southampton vann á Wembey og spilar í úrvalsdeildinni á næsta tímabili Stuttorður Guardiola: „Óskaði þeim til hamingju með frábært tímabil“ Rooney tekur við B-deildarliði Plymouth Fyrstu táningarnir síðan Ronaldo árið 2004 Ten Hag: Ósanngjörn gagnrýni á bæði mig og liðið allt Bikarmeistarinn Bruno: „Þurftum að fórna og þjást en við gerðum magnaða hluti“ Manchester United tryggði sér titil í lokaleik tímabilsins Vill losna frá Crystal Palace og kaupa Everton Stýrir leik á Stamford Bridge eftir að Chelsea rak hann Ten Hag telur öruggt að hann verði áfram á næsta tímabili Segja að Ten Hag verði rekinn sama hvernig úrslitaleikurinn fer Fernandes eyðir óvissunni: „Ég vil ekki fara“ Rooney gæti fengið nýtt starf þrátt fyrir hræðilegan árangur síðast Harry Maguire missir af bikarúrslitaleiknum Paquetá ákærður fyrir að sækjast eftir spjaldi í eigin leikjum Lopetegui tekur við West Ham Yfirmenn Pep fullvissir um að félagið verði ekki sakfellt Talið að Man Utd láti Ten Hag fara eftir úrslitaleikinn Féll í vor en vonast eftir Chelsea eða Bayern Ummælin höfðu neikvæð áhrif á Nunez sem hugsar hlýlega til Spánar Liverpool auglýsir lausa stöðu í þjálfarateymi Arne Slot Börn Bruno Fernandes kvöddu Jóhann: „Hann er toppmaður“ Ekki á heimleið: „Á inni nokkur ár á háu stigi“ Pochettino farinn frá Chelsea Benítez ráðleggur Slot fyrir komuna til Liverpool Mo Salah ætlar að vinna titla með Liverpool á næstu leiktíð Sjá meira
Lokaumferð ensku úrvalsdeildarinnar fer fram á sunnudaginn þegar allir tíu leikirnir verða leiknir samtímis. Flautað er á klukkan 14.00 og verða Englandsmeistarar krýndir í leikslok en óvíst er hvort Manchester City eða Liverpool hreppir hnossið í ár þó að City þurfi að teljast líklegri. Spennan er heldur minni í hinum átta leikjunum, Arsenal á enn tölfræðilegan möguleika á því að skjótast upp fyrir Tottenham og enn geta lið skipt um sæti í lokatöflunni en annað er ráðið. Nýliðar Cardiff og Fulham fylgja Huddersfield niður í Championship-deildina og Manchester United, og mögulega Arsenal, mun leika í Evrópudeildinni á næsta ári á meðan Tottenham, Chelsea, Liverpool og Manchester City keppa í Meistaradeild Evrópu. Spennan er einungis á toppnum þar sem Manchester City getur endurheimt Englandsmeistaratitilinn og um leið orðið þriðja liðið frá stofnun ensku úrvalsdeildarinnar 1992 til að verja titilinn. Til þess þarf Manchester City aðeins að vinna Brighton en misstígi City sig getur Liverpool náð toppsætinu á ný með sigri á Úlfunum. Tölfræðin er Brighton ekki hliðholl fyrir leik helgarinnar enda gengi liðsins afar slakt eftir áramót. Brighton sigldi lygnan sjó um mitt tímabilið eftir sigur á Everton í fyrsta leik seinni umferðarinnar, lokaleik ársins 2018, en síðan þá hefur stigasöfnunin verið afar rýr. Alls hefur Brighton krækt í ellefu stig eftir áramót, unnið tvo leiki, gert fimm jafntefli og tapað tólf. Þá eru tveir mánuðir liðnir síðan Brighton vann síðast leik, gegn Crystal Palace í byrjun mars. Heildarstigafjöldinn yfir tímabilið er 36 stig og nýtur Brighton góðs af slöku gengi liðanna fyrir neðan. Á sama tíma og Mávarnir í Brighton hafa brotlent hefur Manchester City stigið á bensíngjöfina og rúllað yfir andstæðinga sína í ensku úrvalsdeildinni eftir áramótin. Þrátt fyrir að fara langt í öllum fjórum keppnunum og hafa glímt við meiðslin sem fylgja slíku leikjaálagi hefur City haldið sjó og gott betur í ensku úrvalsdeildinni. Í síðustu átján leikjum hefur City tapað einum leik en unnið sautján, skorað 40 mörk og aðeins fengið á sig sjö þrátt fyrir að hafa mætt öllum sterkustu liðum deildarinnar á þessum tíma. Liverpool getur þó huggað sig við það að af sextán stigum sem Manchester City hefur tapað á þessu ári hafa þrettán þeirra farið forgörðum á útivelli. Takist Brighton að taka stig af Manchester City um helgina á Liverpool möguleika á að binda enda á 29 ára bið félagsins eftir Englandsmeistaratitli en í þeirra vegi standa Úlfarnir. Nýliðar Wolves eru búnir að tryggja sér sjöunda sæti úrvalsdeildarinnar og þar með líklegast Evrópusæti á næsta ári. Er það besti árangur félagsins í efstu deild í 39 ár og mun Wolves ekki veita Liverpool neinn afslátt í lokaumferðinni. Þá verður áhugavert að sjá hvernig leikmönnum Liverpool tekst að stilla spennustigið eftir að hafa komist í úrslit Meistaradeildar Evrópu fyrr í vikunni með 4-0 sigri á Barcelona. Sá leikur ætti að hafa reynt á orkubirgðir Liverpool og gæti Wolves náð að nýta sér það á Anfield á sunnudaginn. Manchester City er ríkjandi Englandsmeistari en liðið myndi vinna titilinn í sjötta skipti í sögunni takist því að landa titlinum. Liverpool hefur hins vegar ekki tekist að vinna deildina síðan árið 1990. Mohamed Salah var ekki með Liverpool þegar liðið vann hinn frækna sigur gegn Barcelona í vikunni en hann var að glíma við afleiðingar höfuðhöggs. Jürgen Klopp, knattspyrnustjóri Liverpool, sagði hins vegar að hann byggist við því að Salah yrði klár í slaginn í tæka tíð fyrir leikinn gegn Wolves á morgun. Þá hefur Roberto Firmino verið að glíma við vöðvameiðsli undanfarið og er hann í kapphlaupi í tímann við að ná leiknum á morgun. Liverpool-menn eignuðust nýja hetju i framlínu liðsins í vikunni þar sem Divock Origi skoraði tvö marka liðsins í sigrinum gegn Barcelona sem fleytti liðinu í úrslitaleik Meistaradeildarinnar. Stuðningsmenn Liverpool fara því rólegir inn í leikinn með Origi í fremstu víglínu en eftir það tekur við taugatrekkjandi tími þar sem þeir vonast eftir sigri og að Manchester City misstígi sig.
Birtist í Fréttablaðinu Fótbolti Mest lesið Óánægja með vítið á Akranesi: „Kominn tími á að taka á atferli leikmanns númer 19“ Íslenski boltinn Orri Steinn fullkomnaði dag ungs stuðningsmanns Fótbolti Ísak skoraði í vítakeppni í grátlegu tapi Fótbolti Uppgjör: Fylkir - HK 3-1 | Lífsnauðsynlegur og langþráður sigur Fylkis gegn HK Íslenski boltinn Heimir Hallgríms þegar búinn að tryggja sambandinu 277 milljónir Fótbolti Golfstjarnan stytti sér aldur Golf Íslendingaliðin í bullandi fallbaráttu eftir töp dagsins Fótbolti Sveindís Jane mætti og studdi sína konu: Stolt af þér gullið mitt Fótbolti Goðsögnin Bill Walton látinn Körfubolti Lést eftir að hafa dottið af hestbaki Sport Fleiri fréttir Kraftaverkamaðurinn Emery framlengir á Villa Park Chelsea í viðræður um kaup á stjóra Leicester Tekur ekki við Chelsea sem vill ráða nýjan stjóra í vikunni „Fullt af mistökum“ Southampton vann á Wembey og spilar í úrvalsdeildinni á næsta tímabili Stuttorður Guardiola: „Óskaði þeim til hamingju með frábært tímabil“ Rooney tekur við B-deildarliði Plymouth Fyrstu táningarnir síðan Ronaldo árið 2004 Ten Hag: Ósanngjörn gagnrýni á bæði mig og liðið allt Bikarmeistarinn Bruno: „Þurftum að fórna og þjást en við gerðum magnaða hluti“ Manchester United tryggði sér titil í lokaleik tímabilsins Vill losna frá Crystal Palace og kaupa Everton Stýrir leik á Stamford Bridge eftir að Chelsea rak hann Ten Hag telur öruggt að hann verði áfram á næsta tímabili Segja að Ten Hag verði rekinn sama hvernig úrslitaleikurinn fer Fernandes eyðir óvissunni: „Ég vil ekki fara“ Rooney gæti fengið nýtt starf þrátt fyrir hræðilegan árangur síðast Harry Maguire missir af bikarúrslitaleiknum Paquetá ákærður fyrir að sækjast eftir spjaldi í eigin leikjum Lopetegui tekur við West Ham Yfirmenn Pep fullvissir um að félagið verði ekki sakfellt Talið að Man Utd láti Ten Hag fara eftir úrslitaleikinn Féll í vor en vonast eftir Chelsea eða Bayern Ummælin höfðu neikvæð áhrif á Nunez sem hugsar hlýlega til Spánar Liverpool auglýsir lausa stöðu í þjálfarateymi Arne Slot Börn Bruno Fernandes kvöddu Jóhann: „Hann er toppmaður“ Ekki á heimleið: „Á inni nokkur ár á háu stigi“ Pochettino farinn frá Chelsea Benítez ráðleggur Slot fyrir komuna til Liverpool Mo Salah ætlar að vinna titla með Liverpool á næstu leiktíð Sjá meira
Óánægja með vítið á Akranesi: „Kominn tími á að taka á atferli leikmanns númer 19“ Íslenski boltinn
Óánægja með vítið á Akranesi: „Kominn tími á að taka á atferli leikmanns númer 19“ Íslenski boltinn