Millwall í 8-liða úrslit bikarsins

Millwall komst í dag í 8-liða úrslit ensku bikarkeppninnar í knattspyrnu eftir 1-0 sigur á Wimbledon. Þetta er í þriðja sinn á sjö árum sem Millwall kemst í hóp átta síðustu liðanna í bikarkeppninni.

Millwall er í 20.sæti í Championship-deildinni en Wimbledon í neðsta sæti 1.deildarinnar. Það voru gestirnir í Millwall sem voru sterkari aðilinn í leiknum í dag. Þeir komust yfir strax á 5.mínútu með marki frá Jed Wallace.

Það reyndist eina mark leiksins og Millwall því komið í 8-liða úrslit í þriðja sinn á sjö árum og í annað skipti á síðustu þremur. Flottur árangur hjá Millwall.