Enski boltinn

Arsenal, City og PSG vilja samherja Gylfa

Anton Ingi Leifsson skrifar
Gana í leik með Everton.
Gana í leik með Everton.
Arsenal og Manchester City hafa áhuga á að klófesta miðjumann Everton, Idrissa Gana Gueye, en Sky Sports fréttastofan greindi frá þessu í gærkvöldi.

Idrissa Gueye var ekki í leikmannahóp Everton í gærkvöldi sem vann mikilvægan 1-0 sigur á Huddersfield á útivelli en erfiðlega hefur gengið hjá Everton síðustu vikur.

Gueye hefur verið mikið orðaður við frönsku meistaranna í PSG og á Everton að hafa hafnað tilboði upp á 21 milljónir punda í miðjumanninn. Þeir vilja tvöfalda þá upphæð.

Í gær var svo greint frá því að ensku liðin Arsenal og Manchester City vilji klófesta Gueye en hann hefur sjálfur beðið um sölu frá þeim bláklæddu.

Það verður fróðlegt að fylgjast með hvaða liði Gueye spilar er janúarglugginn lokar en ólíklegt verður að teljast að hann verði áfram í herbúðum Gylfa Þórs Sigurðssonar og félaga í Everton.

Fótbolti

Mest lesið


Fleiri fréttir

Sjá meira


×

Mest lesið