Ramsey er á leið til Juventus

Samkvæmt heimildum Sky á Ítalíu þá hefur velski miðjumaðurinn Aaron Ramsey, leikmaður Arsenal, samþykkt samningstilboð frá Juventus.

Ramsey verður samningslaus næsta sumar og mátti því byrja að ræða við önnur félög um áramótin.

Samkvæmt Sky þá ætlar Juve ekki að kaupa hann núna heldur kemur Ramsey frítt til félagsins næsta sumar. Juve var alltaf fyrsti kostur Ramsey að því er miðillinn segir.

Ganga á formlega frá samningnum eftir viku. Ramsey hefur verið hjá Arsenal síðan 2008 er hann kom þangað frá Cardiff. Hann hefur skorað 52 mörk í 252 leikjum í ensku úrvalsdeildinni.