Enski boltinn

Liverpool fór með liðið í sex daga æfingaferð til Spánar

Óskar Ófeigur Jónsson skrifar
Mohamed Salah og félagar í Liverpool fóru í hjólreiðatúr þegar þeir voru á Marbella í febrúar.
Mohamed Salah og félagar í Liverpool fóru í hjólreiðatúr þegar þeir voru á Marbella í febrúar. Getty/Andrew Powell
Liverpool liðið eyðir næstu sex dögum á Spáni þar sem liðið er að undirbúa sig fyrir úrslitaleik Meistaradeildarinnar á móti Tottenham.

Liverpool segir frá því á heimasíðu sinni og samfélagsmiðlum að liðið sé á förum til Marbella á suðurströnd Spánar.

Úrslitaleikurinn fer fram í Madrid 1. júní næstkomandi og enska úrvalsdeildarliðið mun því fara aftur heim til Englands áður en kemur að leiknum. Það eru ennþá tólf dagar þar til að Liverpool spilar á Wanda Metropolitano, heimavelli Atletico Madrid.

Knattsprynustjórinn Jürgen Klopp valdi 26 leikmenn til ferðarinnar og það eru því þeir leikmenn sem koma til greina í leikmannahópinn í úrslitaleiknum.





Leikmennirnir sem Jürgen Klopp valdi eru eftirtaldir:Alexander-Arnold, Alisson, Brewster, Fabinho, Firmino, Gomez, Henderson, Jones, Keita, Kelleher, Lallana, Lovren, Mane, Matip, Mignolet, Milner, Moreno, Origi, Oxlade-Chamberlain, Robertson, Salah, Shaqiri, Sturridge, Van Dijk, Wijnaldum, Woodburn.

Liverpool flaug til Spánar frá John Lennon flugvellinum í Liverpool í dag.

Leikmenn Liverpool ættu að kannast vel við sig því þeir fóru í æfingabúðir til Marbella í febrúar.

Enski boltinn Meistaradeild Evrópu

Mest lesið


Fleiri fréttir

Sjá meira


×

Mest lesið