Fá ekki að vígja nýja Tottenham-völlinn á móti Arsenal

Nýi Tottenham leikvangurinn sem átti að vera tilbúinn í haust verður ekki tilbúinn þegar Tottenham tekur á móti nágrönnum sínum í Arsenal í byrjun næsta mánaðar.

Tottenham hefur gefið það út að heimaleikur liðsins á móti Arsenal 2. mars næstkomandi verði spilaður á Wembley.  Það hefði verið vel við hæfi að vígja völlinn þá en af því verður ekki.

„Takk fyrir að sýna okkur þolinmæði í þessu. Næstu vikur skipta öllu máli,“ sagði Daniel Levy, stjórnarformaður Tottenham, í tilkynningu félagsins.

New Stadium Update – Arsenal fixture.

— Tottenham Hotspur (@SpursOfficial) February 7, 2019

Næsti heimaleikur Tottenham eftir Arsenal-leikinn er leikur á móti Crystal Palace sunnudaginn 17. mars. Það gæti þó breyst þar sem að þetta er bikarhelgi og Crystal Palace er enn þá með í bikarnum.

Tottenham er langt komið með að klára öll öryggismál á leikvanginum eins og segir í tilkynningunni og í framhaldi af því geta farið fram allskyns prófanir eins og á brunakerfinu og hvernig mismunandi öryggiskerfi vinna saman.

„Við munum koma með frekari tilkynningar þegar við vitum meira,“ sagði í fréttatilkynningu Tottenham.

Nýi Tottenham-leikvanguirnn var byggður á sama stað og White Hart Lane og mun taka yfir 62 þúsund manns í sæti.

White Hart Lane var rifinn eftir 2016-17 tímabilið og síðan þá hafa heimaleikir Tottenham farið fram á Wembley.

Tottenham have given an update on the venue for their game against Arsenal.

https://t.co/mCW2zXU7Hjpic.twitter.com/aIhWPCv1EC

— BBC Sport (@BBCSport) February 7, 2019