De Gea eignaði sér forsíður ensku blaðanna í morgun

Sigur Manchester United og þá sérstaklega frammistaða spænska markvarðarins David de Gea var í aðalhlutverki á útsíðum ensku blaðanna í morgun.

Manchester United er búið að ná Arsenal að stigum í fimmta til sjötta sæti ensku úrvalsdeildarinnar eftir fimmta deildarsigurinn í röð. Manchester United vann 1-0 sigur á Tottenham í gær í fyrsta „alvöru“ prófi liðsins síðan að Norðmaðurinn Ole Gunnar Solskjær tók við liðinu.

Spánverjinn David de Gea stóð var frábær í marki United í leiknum og náði að halda marki sínu hreinu annan deildarleikinn í röð.

Það þýddi jafnframt að eitt mark frá Marcus Rashford dugði Manchester United liðinu til að fara í burtu frá Wembley með öll þrjú stigin.

Hér fyrir neðan má sjá hvernig De Gea eignaði sér forsíður ensku blaðanna í morgun.