Enski boltinn

Sterling: Vorum aftur uppá okkar besta

Dagur Lárusson skrifar
vísir/getty
Raheem Sterling, leikmaður Manchester City, segir að liðið hafi verið aftur uppá sitt besta gegn Southampton í gær eftir tvö töp í röð.

 

Fyrir leikinn hafði City tapað þremur leikjum af fjórum í deildinni og misst toppsætið til Liverpool. Sterling segir þó að liðið hafi loksins verið uppá sitt besta á ný í gær.

 

„Við þurftum að sætta okkur við tvö erfið töp. Við vildum gefa okkur sjálfum möguleika og það er það sem við gerðum, ekki aðeins hvernig við spiluðum boltanum heldur einnig hvernig við vorum án hans.“

 

„Í síðustu þremur leikjum þá byrjuðum við vel en fórum síðan að dala eftir því sem leið á leikinn. En í dag, meira að segja áður en við mættum á völlinn, þá vorum við fullir af baráttuanda.“

 

„Við þurftum í raun að sanna okkur fyrir okkur sjálfum á ný, og við gerðum það.“

 

Enski boltinn

Mest lesið


Fleiri fréttir

Sjá meira


×

Mest lesið