Özil gæti farið á lán í janúar

Arsenal íhugar að senda Þjóðverjann Mesut Özil á lán í janúar. Özil hefur enn ekki náð að vinna sér inn traust Unai Emery.

Emery, sem tók við Arsenal í sumar, var ekki með Özil í hóp hjá sér í leiknum við Tottenham í deildarbikarnum í vikunni þrátt fyrir miklar breytingar á liðinu. Eftir leikinn vildi hann ekki staðfesta að Özil væri hluti af hans langtíma áætlunum.

Özil skrifaði undir nýjan samning við Arsenal fyrir minna en ári síðan sem tryggði honum 350 þúsund pund í vikulaun.

Hann hefur aðeins byrjað 11 af 26 leikjum Arsenal á tímabilinu.

Arsenal er tilbúið að selja Özil samkvæmt frétt The Times en þar sem launakröfur hans eru mjög háar efast félagið um að það fái almennilegt tilboð í Þjóðverjann.

Því er besti möguleikinn í stöðunni fyrir Arsenal að senda hann út á lán ef Emery vill losna við hann.

Arsenal mætir Jóhanni Berg Guðmundssyni og félögum í Burnley í hádegisleiknum í enska boltanum á morgun. Bein útsending hefst 12:20 á Stöð 2 Sport.