Arsenal fær líklega enga refsingu vegna flöskukastsins

Arsenal segist vera búið að finna út hvaða stuðningsmaður henti plastflöskunni í Dele Alli í deildabikarleik Arsenal og Tottenham í gærkvöldi.

Dele Alli fékk plastflösku í hausinn við hliðarlínuna en hann hafði þá áður komið Tottenham í 2-0 sem urðu síðan lokatölur leiksins.

Arsenal nýtti sér upptökur úr öryggismyndavélum á vellinum til að finna út hvaða vitleysingur henti flöskunni en félagið segist skamma sín vegna málsins.

„Við skömmumst okkar öll vegna einstaklingsins sem kastaði flöskunni í Dele Alli,“ segir í tilkynningu frá Arsenal.

Arsenal are unlikely to be punished by the FA after Dele Alli was hit in the head with a plastic bottle at the Emirates, Sky Sports News understands: https://t.co/L13qxjcIpIpic.twitter.com/q5yriHxoNO

— Sky Sports News (@SkySportsNews) December 20, 2018

Viðkomandi stuðningsmaður er örugglega á leiðinni í langt bann en það lítur út fyrir að uppátæki hans kosti félagið ekkert.

„Við berum ekki ábyrgð á hegðun og athæfi eins stuðningsmanns en viljum senda afsökunarbeiðni til Dele Alli og Tottenham vegna þessa atviks,“ segir ennfremur í fréttatilkynningunni frá Arsneal.

Arsenal say they have identified the person who threw a bottle at Dele Alli.https://t.co/emj0lyIH7epic.twitter.com/Zq5Vw8SLU3

— BBC Sport (@BBCSport) December 20, 2018

Sky Sports hefur heimildir fyrir því að enska knattspyrnusambandið muni ekki refsa Arsenal vegna málsins.