Juventus gengur á eftir Ramsey

Samkvæmt heimildum Sky fréttastofunar á Ítalíu er Juventus að undirbúa samning fyrir Aaron Ramsey, miðjumann Arsenal.

Samningur Ramsey við Arsenal rennur út næsta sumar og ekki hefur gengið að endursemja við miðjumanninn sem hugsar sér nú til hreyfings.

Juventus er talið vera skrefi framar en erkifjendurnir í Inter Milan samkvæmt heimildum Sky Sports á Ítalíu. Baráttan er talin mjög hörð um þennan góða leikmann.

Juventus ku vera að vinna að samningi fyrir Ramsey og nú er spurning hvort að hann gangi í raðir ítölsku meistaranna næsta sumar. Það væri enn ein styrkingin fyrir frábært lið Juventus.