Luke Shaw hafði ekki hugmynd um að Solskjær hefði verið ráðinn

Bakvörður Manchester United, Luke Shaw sagðist ekki hafa hugmynd um að Ole Gunnar Solskjær hafði verið ráðinn bráðabirgðastjóri félagsins.



Solskjær tók við Manchester United fyrir tíu dögum og hefur hann stýrt félaginu til sigurs í fyrstu tveimur leikjum sínum, gegn Cardiff og Huddersfield.



Luke Shaw segist að hann hafði ekki hugmynd um að Man Utd hefði ráðið Norðmanninn út tímabilið og komst að því í gegnum kærustu sína.



„Viltu sannleikann? Kærasta mín sagði mér fréttirnar,“ sagði Shaw.



„Ég vaknaði um morgunin og fór í sturtu og hún hljóp inn á baðherbergið og sagði mér. Ég hafði ekki hugmynd, ég skoðaði ekki símann minn. Þannig fann ég það út, frá kærustu minni.“



Shaw segir að hann hafi komið inn með gleði í félagið á þeim stutta tíma sem hann hefur verið og hann trúir því að stuðningsmenn félagsins kunni að meta það.