Bellamy ráðleggur Man Utd að nota Paul Pogba ekki á móti Liverpool

Paul Pogba var aftur í byrjunarliði Manchester United í Meistaradeildinni í gær en var ekki sannfærandi í 2-1 tapi á móti spænska liðinu Valencia.

Craig Bellamy, fyrrum leikmaður Liverpool og knattspyrnusérfræðingur á Sky Sports, var ekki hrifinn af frammistöðu Frakkans í gær.

„Poga var enn á ný slakur í kvöld,“ sagði Craig Bellamy í þættinum The Debate á Sky Sports. Sky segir frá.

„Mourinho tekst ekki að ná því besta fram hjá honum, það er augljóst. Hann virkar áhugalaus. Ég hef áhyggjur af honum eftir þessa frammistöðu á móti Valencia,“ sagði  Bellamy.

Have @ManCity had the most impressive @ChampionsLeague campaign of the four English clubs?

Get your questions in for Craig Bellamy and Stuart Pearce who join @GeoffShreeves live on Sky Sports Premier League now using #TheDebatepic.twitter.com/S3yXWbA2Ud

— Sky Sports Premier League (@SkySportsPL) December 12, 2018

„Ég er ekki viss lengur um að hann sé bara eins góður og sumt fólk vill halda fram,“ sagði Bellamy.

„Hann hefur allavega ekki sannfært Mourinho um leyfa honum að spila á móti Liverpool með þessari frammistöðu. Það verður erfitt að rökstyðja það og ég ráðlegg honum það. Hann hlýtur að byrja með hann á bekknum,“ sagði Bellamy.

Manchester United hefði unnið riðilinn sinn með sigri þar sem Juventus tapaði óvænt á móti Young Boys á sama tíma. Pogba var á bekknum í leiknum á undan þegar United vann sannfærandi 4-0 sigur á Fulham í ensku úrvalsdeildinni.

Paul Pogba hefur byrjað á bekknum í síðustu tveimur deildarleikjum því hann var heldur ekki í byrjunarliðinu í 2-2 jafntefli á móti Arsenal.

„Það er alltaf verið að tala um að hann hafi unnið HM síðasta sumar með franska landsliðinu en fyrir leikmann sem er vanur að spila í stórum leikjum þá er hann ekki á réttri leið. Hann er að leiðinni afturábak,“ sagði Bellamy.