Man. Utd fær meira en Man. City frá ensku úrvalsdeildinni

Þó svo Man. City sé enskur meistari þá fá nágrannar þeirra í United hærri peningagreiðslur frá ensku úrvalsdeildinni á þessari leiktíð.

Man. Utd, sem varð í öðru sæti í ensku úrvalsdeildinni, fékk rúmlega 21 milljarð króna í greiðslur frá deildinni fyrir tímabilið. Það er  46 milljónum króna meira en Man. City fékk.

Ástæðan fyrir þessu er sú að fleiri leikir með United voru sýndir beint á Bretlandseyjum. Tveimur fleiri sem skilaði 23 milljónum hver leikur.

Í heildina fengu liðin í úrvalsdeildinni 342 milljarða króna í greiðslur frá deildinni. Það er 300 milljónum króna meira en á síðustu leiktíð en þetta eru allt tekjur sem meira og minna koma út af sölu á sjónvarpsréttindum.