Bronsið til Sylvíu
Sylvía Sigurbjörnsdóttir sýndi glæsilegan Héðin Skúla frá Oddhóli í keppni í fimmgangi í Meistaradeild Cintamani í Samskipahöllinni í gærkvöldi og kom sér á pall fyrir frammistöðuna. Hún var jafn Þórarni Ragnarssyni með einkunnina 7,12 en fékk þriðja sætið og bronsið eftir að hlutkesti hafði verið varpað.
„Þessi hestur er alltaf í uppáhaldi,“ sagði Sylvía um Héðinn Skúla eftir forkeppnina, en þau stóðu efst fyrir úrslitin með 7,13 í einkunn.
Sjá má sýningu Sylvíu í forkeppninni í meðfylgjandi myndskeiði, en bein útsending var frá mótinu á Stöð 2 sport.
Niðurstöður A-úrslita voru eftirfarandi:
1. Jakob Svavar Sigurðsson, Skýr frá Skálakoti - 7,55 stig
2. Sylvía Sigurbjörnsdóttir, Héðinn Skúli frá Oddhóli - 7,12
3. Þórarinn Ragnarsson, Hildingur frá Bergi - 7,12
4. Teitur Árnason Sjóður, frá Kirkjubæ - 7,10
5. Viðar Ingólfsson, Óskahringur frá Miðási - 6,95
6. Guðmundur Friðrik Björgvinsson, Þór frá Votumýri 2 - 6,69
Sylvía náði sér í mikilvæg stig fyrir liðið sitt, Auðsholtshjáleigu, sem nú stendur efst í liðakeppninni með 132,5 stig.
Staðan í liðakeppninni er eftirfarandi:
Auðsholtshjáleiga 132,5 stig
Gangmyllan 126,5
Top Reiter 125,5
Hrímnir/Export hestar 125,5
Lífland 122,5
Árbakki/Hestvit/Sumarliðabær 103
Ganghestar/Margrétarhof/Equitec 98,5
Oddhóll/Þjóðólfshagi/Efsta-Sel 66
Tengdar fréttir
„Þetta er alger snillingur“
Afreksknapinn Jakob Svavar Sigurðsson er á mikill siglingu í Meistaradeild Cintamani í hestaíþróttum, virðist ósigrandi en hann vann keppni í fimmgangi í Samskipahöllinni í gærkvöldi á Skýr frá Skálakoti.
„Sáttur við þetta“
Þórarinn Ragnarsson gerði gott mót í Meistaradeild Cintamani í hestaíþróttum í Samskipahöllinni í gærkvöldi og hreppti silfur í keppni í fimmgangi á Hildingi frá Bergi.
