Sjáðu glæsimörkin á Wembley

Tottenham gerði 1-1 jafntefli í lokaleik 21. umferðar ensku úrvalsdeildarinnar í gær sem markaði endann á jólatörninni í enska boltanum.

Leikurinn var frekar bragðdaufur framan af, en bæði lið skoruðu glæsimörk með langskotum í seinni hálfleik.

Pedro Obiang kom West Ham yfir þegar 20. mínútur lifðu af leiknum með frábæru skoti af 25 metra færi.

Á 84. mínútu jafnaði svo Heung-min Son leikinn með álíka þrumuskoti.

Mörkin tvö og helstu atvik úr leiknum má sjá í spilaranum hér að ofan.