Ókeypis námsgögn í Fjarðabyggð

Bæjarráð Fjarðabyggðar samþykkti á síðasta fundi sínum þann 24. júlí sl. að öllum börnum í grunnskólum Fjarðabyggðar skuli veitt nauðsynleg námsgögn þeim að kostnaðarlausu frá og með haustinu 2017. Þetta kemur fram í tilkynningu frá bænum.

Gjaldfrjáls námsgögn styðja við fjölskyldustefnu Fjarðabyggðar sem og við barnasáttmála Sameinuðu þjóðanna sem Íslendingar hafa staðfest aðild sína að. Með þessu skrefi vill Fjarðabyggð vinna gegn mismunun barna og styðja við það að öll börn njóti jafnræðis í námi. Umjónarkennarar munu halda utan um námsgögn hvers bekkjar og þau verða aðgengileg nú í skólabyrjun.