Litakóði flugs vegna Kötlu breytt í grænan

Litakóða flugs vegna Kötlu hefur verið færður aftur í grænan. Litakóðinn var færður í gulan þann 29. júlí síðastliðinn, vegna jökulhlaups í Múlakvísl en nú er sá atburður talinn afstaðinn.

Á vef Veðurstofunnar segir að rafleiðni hafi lækkað og sé við eðlileg mörk. Fólk sé hins vegar hvatt til þess að sýna aðgát við upptök árinnar vegna mögulegs gasútstreymis.

„Litakóða fyrir flug í nágrenni Kötlu var breytt í gult aðfararnótt 29. júlí vegna skjálfavirkni sem tengdist jökulhlaupnu í Múlakvísl. Hlaupinu er lokið og jarðskjálftavirkni á svæðinu telst vera innan eðlilegra marka.

Farið var yfir málið á samráðsfundi síðdegis mánudaginn 31. júlí og tekin ákvörðun um að færa litakóðann aftur í grænt. Atburðurinn er talinn afstaðinn,“ segir á síðunni.