Wenger um Özil: Ég er vongóður

Arsene Wenger, stjóri Arsenal, segist vera vongóður um að Mesut Özil muni skrifa undir nýjan samning við félagið.

Mesut Özil, sem skoraði frábært mark gegn Newcastle í gær, hefur verið sagður á leið til annars félags í lok tímabils en hann á aðeins nokkra mánuði eftir af samningi sínum.

Arsene Wenger var spurður út í framtíð Özil hjá félaginu eftir leikinn í gær og var svar hans athyglisvert.

„Ég er vongóður. En hvað þýðir það í raun og veru? Ég veit það ekki,“ sagði Wenger í viðtalinu eftir leikinn.

Arsenal komst aftur upp í 4.sæti deildarinnar með sigrinum í gær.